頭先我要承認我對上帝的想法是看無透的！因為我是平凡的人，我不是神。
閱讀全文: 心內敢有不平？（臺語文）逐擺看到看病的人，尤其是癌症的病友，我攏會感覺講奇怪。明明比咱壞的人遮爾多，為怎樣是咱這陣人得到癌症？
聖經頂面有講，上帝是因為咱會當承受，所以才予咱得到。毋閣哪是會當，敢會使請上帝換別人？
尤其是遮罪大惡極的。不是閣較應該予這陣人馬上得到報應？毋閣其實上帝煞予罪大惡極的人更卡多的機會。
講卡好聽耶，咱得到癌症的人是功課就要做了啊（傳統的看法）！也是咱上帝所愛的（是神的子女），所以上帝要懲罰佮管教。
只是聽佇一寡人的耳孔內，真正是予人無法認同。我所熟似的上帝怎樣是按呢生？祂不是公義的？我敢會得救攏佇祂的一念之間。祂要賜予你、要讓你受苦處。咱都只會當接受，無法度辯解。
然後底咧講，今生的苦楚是為了來生入天國。
可能啥物攏莫作，只沓沓仔等候上帝的旨意才是有福的？予咱每工等候上帝的聲吧！作一個有福的人！何苦佇人世間煩惱？敢是？